Telekanał ANT patłumačyŭ, čamu źniaŭ z efiru rubryku himnastki Mieliciny Staniuty.
Fota z Instagram
«Mielicina ŭ nas — štatny supracoŭnik, im jana i zastajecca. Ale jana parušyła karparatyŭnyja praviły, jakija ŭzhadnialisia ź joj asabista jašče ŭ 2018 hodzie.
Tamu pakul rubryka ź jaje ŭdziełam časova vychodzić nie budzie, pytańnie budzie vyrašacca. Nie ŭ majoj kampietencyi raskazvać, što za praviły byli parušany, Mielicina viedaje jakija», — prakamientavała «Našaj Nivie» pres-sakratar ANT Iryna Rambalskaja.
Himnastka adkazała, što nie ŭ kursie, pra jakija parušeńni idzie razmova.
Pra toje, što štotydniovaja prahrama ź jaje udziełam nie vyjšła ŭ efir u paniadziełak, paviedamiła sama himnastka. Pryčyn joj nie ahučvali, skazali tolki, što vychad prypynieny da vieraśnia.
ANT spyniła supracoŭnictva ź Dźmitryjem Uranhielem, jaki raskrytykavaŭ dziejańni AMAPa kala Symbal.by
