Staršynia Savieta Respubliki Natalla Kačanava praviała sustreču z tvorčaj intelihiencyjaj Biełarusi, piša BiełTA.
Śpikierka padkreśliła važnaść praviadzieńnia padobnych sustreč, kab vybudavać efiektyŭny dyjałoh pamiž dziaržavaj i hramadstvam, rastłumačyć asobnyja aśpiekty dziaržpalityki, daviedacca pra prablemy ludziej, ustanoŭ i pradpryjemstvaŭ, halin, dzie jany pracujuć.
Razmova Natalli Kačanavaj ź dziejačami kultury budavałasia ŭ farmacie dyjałohu, prachodziła ŭ ščyraj i dobrazyčlivaj atmaśfiery, padkreślivaje BiełTA.
«Tut usie tyja, chto pradstaŭlaje tvorčuju elitu krainy, chto sfarmavaŭ vobraz našaj Biełarusi na doŭhija hady. Vy — tyja ludzi, jakich lubiać, pavažajuć, viedajuć», - adznačyła jana.
Kiraŭnik Savieta Respubliki padkreśliła, što ŭ Biełarusi vielmi šmat dasiahnieńniaŭ, jakimi treba hanarycca, i ich treba zachavać.
«My z vami pavinny rabić vysnovy, pravilna razumieć toje, što adbyvajecca ŭ našaj krainie, šanavać dasiahnutaje. Toje, što jość u našaj krainie, čym my možam pa pravie hanarycca, nialohka nam davałasia na kožnym etapie, ale my vystajali», - skazała jana.
