Palityk Valer Capkała na sustrečy ź siabrami svajoj inicyjatyŭnaj hrupy i žurnalistami prakamientavaŭ apošnija padziei, źviazanyja ź pieradvybarnaj kampanijaj.
Capkała adznačyŭ, što nie budzie zaklikać inšych patencyjnych kandydataŭ zdymacca na svaju karyść. Capkała ličyć, što čym bolš kandydataŭ budzie — tym lepš.
U adkaz na pytańnie, što rabić u vypadku nierehistracyi Viktara Babaryki, Capkała adkazvaje, što pakul niama pryčyn dla jaho nierehistracyi.
Valer Capkała paviedamiŭ, što jaho kamanda zdała 160 tysiač podpisaŭ, a 40 tysiač podpisaŭ kamanda adbrakavała.
Vykazaŭsia patencyjny kandydat i pra ŭčarašniuju akcyju na praśpiekcie Niezaležnaści:
— Ja bačyŭ maładych asob, jakija vykazvali mirnuju niazhodu ź dziejańniami ŭładaŭ. Heta była hramadzianskaja inicyjatyva źnizu.
Capkała adznačyŭ, što nie dumaje zaraz pra niebiaśpieku.
Taksama patencyjny kandydat adznačyŭ, što nam treba sychodzić ad ciapierašniaha zboru podpisaŭ, dzie rukami ŭsio treba zapaŭniać, addavać u miascovyja rajvykankamy, i pierachodzić da elektronnych podpisaŭ i vieryfikacyi praz telefon.
«Treba dumać pra źmieny ŭ Kanstytucyju, viarnuć punkt, što prezidentam možna być nie bolš za dva terminy», — skazaŭ Capkała.
