U piatnicu, 19 červienia, paśla 15:00, chtości ździejśniŭ zachop telehram-kanała «Kraina dla žyćcia» (50 tysiač padpisčykaŭ), u jakim publikavalisia naviny pra Siarhieja Cichanoŭskaha, a taksama jahonych paplečnikaŭ.
U kanale źmienienaja nazva. Ciapier jon nazyvajecca «RaZAm» — heta łozunh, ź jakim na vybary idzie Alaksandr Łukašenka. Avatarka taksama źmienienaje na firmovaje łoha kampanii kiraŭnika krainy.
U kanale stali źnikać raniejšyja dopisy. A čat kanała, u jakim było kala 47 tysiač karystalnikaŭ, pa-pieršaje adłučyli ad samoha kanała, a pa-druhoje, taksama pieranazvali ŭ «Razam».
Źmieny zrabiŭ telehram-akaŭnt «Partyzan123», jaki naležyŭ asabista Siarhieju Cichanoŭskamu. Sam Cichanoŭski ad 29 maja znachodzicca ŭ źniavoleńni. Na jaho zaviedziena dźvie kryminalnyja spravy.
UPD. U vyniku telehram-kanał «Kraina dla žyćcia» ŭvohule zabłakavali z pryčyny parušeńnia «praviłaŭ telehrama».