Ministry ŭnutranych spraŭ dziaržaŭ Jeŭrasajuza vykazalisia za padaŭžeńnie abmiežavańniaŭ na ŭjezd u ES na dva tydni. Rekamiendacyi nakont adkryćcia źniešnich miežaŭ prymie Jeŭrakamisija, paviedamlaje DW.
Bolšaść dziaržaŭ Jeŭrasajuza ličać patrebnym padoŭžyć zabaronu na ŭjezd u ES z trecich krain na dva tydni, da kanca červienia. Pra heta zajaviła jeŭrakamisar pa ŭnutranych spravach Ilva Jochansan pa vynikach videakanfierencyi kiraŭnikoŭ MUS krain ES.
«Pasłuchaŭšy siońniašniuju dyskusiju, ja asabista vieru, što my vierniemsia da paŭnavartasnaha funkcyjanavańnia Šenhienskaj zony i svabody pieramiaščeńnia hramadzian nie paźniej za kaniec červienia», — adznačyła Jochansan. Jana paćvierdziła pazicyju, što adkryvać źniešnija miežy buduć tolki paśla admieny ŭsich abmiežavańniaŭ na ŭnutranych miežach ES.
