U redakcyju časopisa MSPRING.ONLINE dasłali asablivyja dakumienty. Heta zajavy dvuch žycharoŭ adnaho ź internataŭ [adras jość u redakcyi] Mahilova — Harbuzavaj A.M. i Nikicionka A.U., — pavodle jakich jany vyrašyli adklikać svaje podpisy za dziejnaha prezidenta Respubliki Biełaruś Alaksandra Łukašenku.
Pavodle abodvuch, u pracoŭny čas 26 traŭnia ŭ žyllo kožnaha ź ich zajavilisia rabotniki internata z patrabavańniem pastavić podpis za vyłučeńnie ŭ jakaści kandydata ŭ prezidenty Alaksandra Łukašenki.
Pa słovach A. Harbuzovaj, podpisy źbirała vachcior i zahadčyca internata. Žančyna padpisałasia za Łukašenku, bajučysia, što jaje mohuć vysielić z žytła raniej za hety termin.
«Mnie pryjšłosia padpisacca. Ja maci traich dziaciej, atrymała kvateru, ale pakul pierajechać u jaje nie mahu, bo tam viaducca ramontnyja raboty», — tłumačyć Harbuzova.
Jana škaduje pra svoj učynak i vyrašyła adklikać svoj podpis za Łukašenku, pakolki «usia siamja choča žyć u cyvilizavanaj i narmalnaj krainie, u jakoj ułada nie maje prava pryhniatać svoj narod».
Padobnaja situacyja ŭźnikła ŭ inšaha žychara internata — Alaksieja N.
«… Pryjšła vachcior i patrabavała pastavić podpis za A.H. Łukašenku. U vymušanym paradku ja pavinien [byŭ] padpisacca. Ja raskajvajusia ŭ svaim učynku i prašu adklikać svoj podpis za dadzienaha kandydata», — rastłumačyŭ u zajavie mužčyna.
Svaje zajavy haradžanie nakiravali 2 červienia ŭ kamisiju pa vybarach prezidenta Leninskaha rajona Mahilova.
