sb.by
Siońnia dziaržSMI aktyŭna dajuć słova dziaržčynoŭnikam i praŭładnym ludziam, jakija pahałoŭna asudžajuć pikiet Siarhieja Cichanoŭskaha ŭ Hrodnie, što skončyŭsia zatrymańniem błohiera i, vierahodna, kryminalnaj spravaj.
Apytali i pieršaha sakratara CK Kampartyi Biełarusi Alaksieja Sokała.
«ŚMI majuć racyju, kali pišuć pra pravakacyi. Tolki pravakacyja — heta ŭsia kampanija Cichanoŭskaha», — pryvodzić słovy Alaksieja Sokała sb.by sa spasyłkaj na telehram-kanał ATN.
«Absurdnaja sama situacyja. Na videa žančyna niekalki razoŭ pytajecca ŭ błohiera pra jaho prahramu, paśla čaho pačynajecca bojka. Pa-pieršaje, što heta za dziŭny farmat? Zbor podpisaŭ nie moža prachodzić u formie mitynhu, ahitacyja ciapier zabaronienaja. Na videa ža jon z ruparam, niešta kryčyć u miehafon, kaža łozunhi, maje znosiny z natoŭpam. Tym nie mienš, adkazać na prostaje pytańnie jon nie zmoh — jasna, što nijakija vybary jamu nie patrebnyja», — miarkuje pieršy sakratar CK KPB.
Pravakacyja ŭ Hrodnie: AMAP zatrymaŭ Cichanoŭskaha VIDEA
MUS pra zatrymańnie Cichanoŭskaha: zaviedziena kryminalnaja sprava
