U viečarovym efiry «Biełaruś-1» źjaviŭsia siužet pra zatrymańnie Siarhieja Cichanoŭskaha ŭ Hrodnie.
«Nastupnuju infarmacyju, jak i nastupnyja kadry, my atrymali litaralna niekalki chvilin tamu. Adzin šyroka viadomy ŭ vielmi vuzkich kołach zborščyk podpisaŭ daźbiraŭsia da surjoznaha incydentu. Darečy, jon źbiraŭ aŭtohrafy za kardonny malunak ułasnaj žonki (mienavita ŭ takim vyhladzie jana prysutničała siońnia ŭ Hrodnie). Jašče ź pieršych chvilin hety zbor podpisaŭ pieraros u mitynh, a pa zakonie, adznačym, pravodzić na hetym etapie vybarčaj kampanii ahitacyjny mitynh zabaroniena. Pry hetym na elemientarnyja pytańni vybarščykaŭ adkazvać zborščyk nie chacieŭ. U vyniku takaja maniera znosin ź ludźmi pierarasła ŭ bojku. Milicyja, što chacieła navieści paradak, apynułasia ŭ epicentry bojki, jakuju zładzili na płoščy. Adzin z supracoŭnikaŭ milicyi padvierhnuŭsia napadu. Pavodle našaj infarmacyi, zborščyk podpisaŭ i niekatoryja jaho prychilniki na hety momant zatrymanyja», — začytaŭ tekst viadučy Siarhiej Łuhaŭski.
Takaja manipulacyja razzłavała karystalnikaŭ internetu. Pa stanie na 11:15 nastupnaha dnia pad videa źjaviłasia 2175 kamientaroŭ, pieravažna hnieŭnych.
«Heta chłuśnia. Mnie ŭžo za tryccać. A ANT i BT pačali chłusić, kali mnie i 10 jašče nie było. Narod pračnisia. Stop tarakan!» — havorycca ŭ samym papularnym, jaki nabraŭ sotni łajkaŭ.
A voś samo videa ludziam nie padabajecca. Jano nabrała tolki 69 łajkaŭ pry 4500 dyzłajkaŭ.
