Čarha słučakoŭ, kab pakinuć podpisy za Śviatłanu Cichanoŭskuju, fota Radyjo Svaboda.
Aŭtar YouTube-kanała «Strana dla žiźni» Siarhiej Cichanoŭski 25 traŭnia pryjechaŭ na pikiet u Słucku, dzie źbirajuć podpisy za vyłučeńnie kandydatam u prezydenty jaho žonki Śviatłany, paviedamlaje Radyjo Svaboda.
U interviju Svabodzie Cichanoŭski skazaŭ, što ŭražany aktyŭnaściu ŭ Słucku. Jon dumaje, što za inšych kandydataŭ takoj aktyŭnaści ŭ Słucku nia budzie.
U čarzie zbory podpisaŭ za Śviatłanu Cichanoŭskuju hučać vokličy «Žyvie Biełaruś». Cichanoŭski skazaŭ, što nia bačyć ničoha suprać hetaha lozunhu.
«Ja nie liču lozunh apazycyjnym. Ludzi sami stali kryčać «Žyvie Biełaruś», ja padchapiŭ. Ja liču, što heta naša kraina. Lozunh, jakim by jon nia byŭ heta naš, jon časta hučyć na pratestach, hučaŭ raniej. Čamu nie, nie adzin ža «Stop tarakan, no pasaran» pavinien hučać. Jość u nas lozunhi, i ludzi ich viedajuć, asabliva pratestnaja aŭdytoryja, chto jeździŭ u Miensk», — skazaŭ Cichanoŭski.
Udzielniki akcyi zapuścili na balonikach tapak — symbal pratestu ad kamandy Cichanoŭskaha.
Tapak staŭ svojeasablivym iraničnym symbalem pieradvybarčaj kampanii Cichanoŭskaha pad lozunham «Stop tarakan, no pasaran», jaki, pavodle samoha błohiera, naradziŭsia paśla razmovy z žančynaj z Hłybokaha, jakaja na sustrečy raskazała kazku pra tarakana.
Słučanka z tapkam u ruce skazała, što raniej nie chadziła na vybary, ale ciapier ahituje hałasavać u apošni dzień vybaraŭ svaich dziaciej i znajomych. Žančyna adznačyła, što padčas daterminovaha hałasavańni mahčymy falsyfikacyi, tamu jana pojdzie hałasavać u apošni dzień vybaraŭ:
«Ja dumaju, što my raniej na heta ŭsio plavali i tamu, padrablali našyja śpisy».
