Dniom 22 maja ŭ milicyju pastupiła paviedamleńnie ab śmierci 6-hadovaha chłopčyka ŭ kvatery žyłoha doma na vulicy Kamiennahorskaj u Minsku, paviedamlaje Śledčy kamitet.
38-hadovaja maci, viarnuŭšysia z kramy, zajšła ŭ pakoj i ŭbačyła, jak jaje syn lažyć na łožku biez prytomnaści, a brat i siastra sprabujuć jaho padniać. Žančyna źviarnułasia pa dapamohu da miedykaŭ, jakija paśla praviadzieńnia reanimacyjnych mierapryjemstvaŭ kanstatavali śmierć dziciaci. U adsutnaść maci ź dziećmi doma znachodziŭsia ajčym, jakoha zatrymali pa padazreńni ŭ ździajśnieńni złačynstva.
Pavodle atrymanaj infarmacyi, 32-hadovy muž žančyny pieryjadyčna na praciahu doŭhaha času biŭ dzicia. Zaviali kryminalnuju spravu pa č.3 st.147 (naŭmysnaje pryčynieńnie ciažkich cialesnych paškodžańniaŭ, jakija pryviali pa nieaściarožnaści da śmierci) Kryminalnaha kodeksa. Zamiežnaha hramadzianina ŭziali pad vartu.
