Lidzija Jarmošyna. Fota Darji Burakinaj, Tut.by
«A ŭ vas jakija płany paśla taho, jak zavieršycca taki vialiki etap u vašym žyćci?» — spytała žurnalistka Taćciana Karaviankova.
«Jak i va ŭsich — čakać sychodu z žyćcia. Padarožničać z kožnym hodam stanovicca ŭsio ciažej. I ŭsie maje padarožžy, chutčej za ŭsio, buduć u dva miescy — Babrujsk i Kalininhrad», — adkazała Jarmošyna.
U Babrujsku i Kalininhradzie žyvuć jaje siabroŭki. Abodva šluby Jarmošynaj skončylisia razvodami, adziny syn syšoŭ z žyćcia ŭ 40 hadoŭ.
***
Lidzija Jarmošyna
Naradziłasia 29 studzienia 1953 u Słucku. Skončyła jurydyčny fakultet Kalininhradskaha dziaržaŭnaha ŭniviersiteta (1975). U 1975-1987 pracavała juryskansultantam u Kalininhradzie i Babrujsku. U 1987-1988 — pamočnik prakurora Kastryčnickaha rajona Kalininhrada. U 1988-1996 — kiraŭnik jurydyčnaj słužby Babrujskaha harvykankama. U 1992-1996 — siabra CVK, z 1996 — staršynia CVK.
Nivodnyja vybary, arhanizavanyja joj, nie byli pryznanyja mižnarodnaj supolnaściu.