Na pikiet kandydataŭ pratestu ŭ Minsku niekatoryja žychary stalicy pryjšli z tapkami i šlopancami. Na ich byli napisanyja antyłukašenkaŭskija łozunhi.
Pikiet sabraŭ tysiačy ludziej. Čarha achvotnych padpisacca za alternatyŭnych kandydataŭ raściahnułasia ad Kamaroŭskaha rynku da płoščy Jakuba Kołasa. Ludzi byli ŭ absalutnaj bolšaści ŭ maskach, ale sacyjalnaja dystancyja nie zachoŭvałasia, bo ludziej było zašmat.
Udzielniki pikieta skandavali «Pieramien!, «Žyvie Biełaruś» i, asabliva časta, «Stop tarakan! No pasaran!» — łozunh, zapuščany ŭ Jutubie videabłohieram Siarhiejem Cichanoŭskim.
Mienavita skandavańniem hetaha łozunhu sustrakali ludzi Siarhieja Cichanoŭskaha, jaho taksama vitali apładysmientami.
Vystupaje Siarhiej Cichanoŭski.
Podpisy aficyjna źbiraje Śviatłana Cichanoŭskaja — žonka Siarhieja. Kali jaho aryštavali na 15 sutak, kab nie dać mahčymaści padać dakumienty ŭ jakaści kandydata, svaju kandydaturu vyłučyła jana.
Čarha ludziej, kab padpisacca za kandydataŭ pratestu.
Akramia Cichanoŭskaha i «kandydataŭ pratestu» ad apazicyi, na antyłukašenkaŭskaj płatformie ŭ prezidenty pajšoŭ bankir i miecenat Viktar Babaryka. U jaho inicyjatyŭnuju hrupu sabralisia 9500 čałaviek. Heta rekord dla alternatyŭnaha kandydata ŭ Biełarusi.
Viktar Babaryka nie ŭdzielničaŭ u pikiecie «kandydataŭ pratestu», ale pobač podpisy źbirali ludzi ź jaho inicyjatyŭnaj hrupy.