56-hadovaja žycharka Biešankovič Lidzija Pyškina pamierła ŭ viciebskaj balnicy.
Žančyna šmat hadoŭ pracavała terapieŭtam u miascovaj balnicy. Apošnim časam była na hrupie invalidnaści paśla pieraniesienaha insultu.
Zachvareła Lidzija Jaŭhienaŭna ŭ kancy krasavika. Jak i šmat kaho, jaje zabirali spačatku ź pnieŭmanijaj. Testy pakazali «kavid». Jana peŭny čas praviała ŭ reanimacyi, ale paśla jaje viarnuli ŭ zvyčajnuju pałatu. Zatym pieraviali ŭ Viciebsk, bo, pa słovach znajomych, baćki žančyny — byłyja miedyki, jany damovilisia, kab ich dačku lačyli ŭ abłasnym centry. Zdajecca, žančynie palepšała, ale ž…
«Jana pieramahła karanavirus, — raspavioŭ «Našaj Nivie» syn Lidzii Jaŭhienaŭny. — Amal ačuniała, kisłarod adnaviŭsia, ale nie vytryvali nyrki. Pamierła ad nyračnaj niedastatkovaści».
Chavali Lidziju Pyškinu ŭ zakrytaj trunie.
