Alaksandr Łukašenka pavinšavaŭ staršyniu Jeŭrapiejskaj kamisii Ursułu fon der Lajien i staršyniu Jeŭrapiejskaj rady Šarla Mišela z Dniom Jeŭropy. Pra heta BIEŁTA paviedamili ŭ pres-słužbie biełaruskaha kiraŭnika.
Kiraŭnik dziaržavy źviarnuŭ uvahu na simvaličnaść taho, što 9 maja adznačajecca taksama znamianalnaja data 75-hodździa Pieramohi ŭ Vialikaj Ajčynnaj vajnie, skančeńnie jakoj stvaryła ŭmovy dla raźvićcia intehracyi ŭ Zachodniaj Jeŭropie.
«Utvareńnie Jeŭrapiejskaha sajuza stała značnaj padziejaj, jakoje spryjała ŭmacavańniu davieru na Jeŭrapiejskim kantyniencie. Siońniašni Jeŭrasajuz — heta aŭtarytetnaje abjadnańnie niezaležnych dziaržaŭ, harant biaśpieki i adzin z hałoŭnych ekanamičnych partnioraŭ Biełarusi», — havorycca ŭ vinšavańni Šarlu Mišelu.
Alaksandr Łukašenka padkreśliŭ, što Biełaruś źjaŭlajecca prychilnikam doŭhaterminovaha supracoŭnictva i pradkazalnaści ŭ adnosinach pamiž susiedziami. «Vielmi raźličvajem na adkrytaje i kanstruktyŭnaje ŭzajemadziejańnie ź jeŭrapiejskimi partniorami pa ŭsich napramkach uzajemnaha intaresu», — adznačajecca ŭ pasłańni na adras Ursuły fon der Lajen.
Žycharam abjadnanaj Jeŭropy Łukašenka pažadaŭ miru, dabrabytu, zhody i chutčejšaha viartańnia da narmalnaha ładu žyćcia.
