Dziaržsakratar Majk Pampiea zajaviŭ, što ŭrad Kitaja zrabiŭ usio mahčymaje, kab «śviet nie daviedaŭsia svoječasova» pra karanavirus, jaki vyklikaŭ hłabalnuju pandemiju, piša The Hill.
Pampiea skazaŭ žurnalistam, što Kamunistyčnaja partyja Kitaja praviała «kłasičnuju kamunistyčnuju dezynfarmacyjnuju rabotu», prymusiŭšy zamaŭčać miedycynskich rabotnikaŭ i žurnalistaŭ, kab abmiežavać raspaŭsiud infarmacyi pra virus. Jon skazaŭ, što hetyja kroki «stvaryli vializnuju ryzyku» i nanieśli škodu sotniam tysiač ludziej va ŭsim śviecie.
«Jość vialikaja kolkaść dokazaŭ, što virus pačaŭ raspaŭsiudžvacca z łabaratoryi va Uchani», — zajaviŭ Pampiea.
Adnak zatym jon dadaŭ, što znajomy z zajavami navukoŭcaŭ ab pryrodnym pachodžańni virusa, zasnavanymi na analizie DNK, i ŭ ich dakładnaści jon nie sumniavajecca. Pampiea ŭstrymaŭsia ad adkazu na pytańnie, ci było raspaŭsiudžvańnie infiekcyi naŭmysnym abo źviazana ź niejkim incydentam.
