Namieśnik dyrektara pa vučebnaj rabocie homielskaha kaledža mastactvaŭ imia Sakałoŭskaha Anatol Trafimovič paćvierdziŭ, što ŭ adnaho z navučencaŭ vyjavili COVID-19, piša «Svaboda».
Pavodle jaho, administracyja prymaje «adpaviednyja miery».
«Jak i praduhledžana listom Centru hihijeny i epidemijalohii, zabiaśpiečvajem usich dezsrodkami. U kaledžy pravodzicca vilhotnaje prybirańnie nia mienš jak try razy na dzień. U aŭtorak pryjaždžała sanstancyja, pravodzili dezynfekcyju. Składajucca śpisy asob pieršaha kantaktu, jany buduć nakiravanyja ŭ adpaviednyja arhanizacyi».
Kolki budzie takich asob, namieśnik dyrektara nia zmoh nazvać. Pavodle Anatola Trafimoviča, apošnim časam chłopiec byŭ častkova na dystancyjnym navučańni.
Namieśnik dyrektara patłumačyŭ, što masavyja zaniatki — arkiestravyja i charavyja — abmiežavali.
«Indyvidualnyja zaniatki zastalisia, ale ich niašmat. Častkova zaniatki pieraviali na dystancyjnuju formu».
