Uviečary 28 krasavika kiepska stała biskupu Pinskaj dyjacezii Antoniju Dziamjanku, jaho terminova špitalizavali. Pra heta «NN» paviedamiŭ kancler kuryi ksiondz Andrej Ryłka.
Antonij Dziamjanka. Fota catholic.by.
«U biskupa prablemy z sercam — heta nie navina. Učora rezka pačalisia prablemy, moža, niejkija niapravilnyja leki. Zrabili test na karanavirus, ale vynik admoŭny. Chutčej za ŭsio, heta źviazana z tym, što ŭ jaho byli vialikija pierahruzki ŭ pracy», — adznačaje ajciec Andrej.
Lažyć biskup u Pinskaj balnicy. Jahony stan Andrej Ryłka charaktarazuje, jak «nievyrazny».
Biskupa Dziamjanku zabrali ŭ reanimacyju, ale ŭvieś čas jon znachodzicca ŭ prytomnaści. «U reanimacyi prosta lepšaje abstalavańnie», — adznačaje kancler kuryi.
Antoniju Dziamjanku 60 hadoŭ. Z 2012 hoda jon biskup Pinskaj dyjacezii.
Ahułam u Biełarusi vosiem biskupaŭ — u Minsku, Viciebsku, Hrodnie i Pinsku.
