Pra heta havorycca ŭ siońniašniaj zajavie Pradstaŭnictva AAN u Biełarusi.
«Niahledziačy na aktyŭnyja namahańni ŭrada i mižnarodnych partnioraŭ, u ciapierašni čas my nazirajem u Biełarusi evalucyju ŭspyški infiekcyi #COVID19, jakaja charaktaryzujecca ŭstojlivaściu i pašyreńniem łakalnaj pieradačy,
— adznačajecca ŭ zajavie Iaany Kazana-Višniavieckaj, pastajannaha kaardynatara AAN u Biełarusi. —
U niadzielu, 26 krasavika, Ministerstva achovy zdaroŭja paćvierdziła bolš za 10 000 vypadkaŭ zaražeńnia #COVID19 u Biełarusi. Hetaja kolkaść raście ŭ hieamietryčnaj prahresii. Uspomnicie, pa stanie na 26 sakavika było ŭsiaho 86 vypadkaŭ.
Siońnia, 28 krasavika, karanavirus vyjavili ŭ 12 208 čałaviek u Biełarusi.
U dadatak da rašučych zachadaŭ z boku miedyka-sanitarnych, epidemijałahičnych struktur i ŭrada, nakiravanym na testavańnie, adsočvańnie i izalacyju, u spałučeńni z hieraičnymi namahańniami miedycynskich rabotnikaŭ ciapier nastaŭ čas dla nieadkładnych i maštabnych mier pa ŭzmacnieńni žorstkaści fizičnaha dystancyjavańnia.
Suśvietnaja arhanizacyja achovy zdaroŭja rekamienduje ŭkaranieńnie mier fizičnaha dystancyjavańnia i pieranos ŭsich masavych mierapryjemstvaŭ.
Akramia hetaha, SAAZ rekamienduje ŭvieści mahčymaść dystancyjnaj pracy i dystancyjnaha navučańnia ŭ škołach, univiersitetach i inšych adukacyjnych ustanovach, a taksama prypynić pracu pradpryjemstvaŭ, jakija nie akazvajuć asnoŭnych pasłuh, u tym liku kafe, restaranaŭ, handlovych centraŭ. SAAZ zaklikaje skaracić kolkaść nieistotnych pieramiaščeńniaŭ, asabliva dla hrup vysokaj ryzyki i ŭraźlivych pacyjentaŭ, što tyčycca pajezdak za horad, u vioski i na dačy.
Spartyŭnyja mierapryjemstvy admianić, škoły — na dystancyjnaje. SAAZ apublikavała rekamiendacyi dla Biełarusi
Miery hramadskaj achovy zdaroŭja ŭ maštabach usiaho hramadstva, nakiravanyja na fizičnaje dystancyjavańnie, mohuć dapamahčy praduchilić i zapavolić raspaŭsiudžvańnie virusa.
Miedycynskija ŭstanovy mohuć vykarystoŭvać hety čas na toje, kab padrychtavać resursy: miedycynskich rabotnikaŭ, łožka-miescy, izalavanyja pałaty, adździaleńni reanimacyi i intensiŭnaj terapii i srodki abarony dla padrychtoŭki da pavieličeńnia kolkaści vypadkaŭ infiekcyi», — adznačajecca ŭ zajavie.
«Dla ŭsich nas karcina jasnaja — COVID-19, jak biaźlitasny zabojca, atakuje krainy i ludziej. Virus moža być śmiarotnym, navat kali vy maładyja i mocnyja. Na žal, byvaje i tak, što vy nie viedajecie, ci jość u vas virus, ale možacie być jaho nośbitam i raspaŭsiudnikam.
Niama ničoha kaštoŭniejšaha za žyćcio.
Niama ničoha ciažejšaha, čym stracić členaŭ siamji, siabroŭ, kalehaŭ ci svaich suhramadzian.
Kali łaska, zastavajciesia doma, kab spynić COVID-19. Heta dapamoža miedykam, pradpryjemstvam i supracoŭnikam ekstranych słužbaŭ vykonvać svaju pracu i spraŭlacca z kryzisam».
Łukašenka: Biełaruś nie stanie admachvacca ad rekamiendacyj SAAZ, ale budzie dziejničać adpaviedna situacyi
