Litva raźličvaje, što Ukraina dałučycca da jaje inicyjatyvy i admovicca ad zakupak elektraenierhii, jakuju paśla zaviaršeńnia budaŭnictva budzie vyrablać Biełaruskaja atamnaja elektrastancyja (BiełAES). Pra heta ŭ paniadziełak padčas hutarki z ukrainskim kaleham Uładzimiram Zialenskim zajaviŭ prezident Litvy Hitanas Naŭsieda, piša tass.ru.
Litoŭski bok užo ŭźnimaŭ hetaje pytańnie padčas vizitu Zialenskaha ŭ Vilniu ŭ listapadzie minułaha hoda. Ukrainski lidar tady adkazaŭ, što abmiarkuje heta ź ministram enierhietyki, adnak kančatkovaje rašeńnie Kijeŭ pakul nie abviaściŭ.
Litva ličyć BiełAES niebiaśpiečnaj. Siejm abviaściŭ BiełAES pahrozaj nacyjanalnaj biaśpiecy, a taksama zabaraniŭ kuplu i ekspartny propusk jaje elektraenierhii praz svaje elektrasietki. U hetym aśpiekcie Vilnia spadziajecca na salidarnaść krain Bałtyi, Polščy i Ukrainy.
U Biełarusi adznačajuć, što pretenzii Litvy da BiełAES u Astraŭcy lažać u palityčnaj płoskaści. Pieršy błok BiełAES płanujecca zapuścić u hetym hodzie.