Hramadskaja kampanija «Hodna» — heta novaja inicyjatyva Kamandy BNR100, jakaja ładziła BNR100, «Śviata Niezaležnaści», «Mova Fest», «Hodny Dzień Voli» dy inšyja hučnyja akcyi i mierapryjemstvy.
Voś pieršy rolik, u jakim kaardynatary kampanii raskazvajuć, što i navošta źbirajucca rabić.
A na sajcie hodna.by vy znojdziecie misiju, mety i płany kampanii na najbližejšyja 2 hady.
Siarod užo zapłanavanych prajektaŭ — daśledavańnie nacyjanalnaj identyčnaści, forum «Ideja Biełarusi», vydańnie knih i zdymki rolikaŭ, fiestyvali i tvorčyja konkursy, moładzievyja škoły i biznes-kanfierencyi pad ahulnym brendam «Hodna».
Pačałasia kampaniju z prajekta «Trymajsia Hodna», jaki budzie dapamahać biełarusam va ŭmovach pandemii karanavirusa adaptoŭvacca, abjadnoŭvacca i samaarhanizoŭvacca dla vyrašeńnia ahulnych prablem.
Pieršy sacyjalny rolik raskazvaje pra praviły pavodzinaŭ padčas pandemii karanavirusa zhodna z rekamiendacyjami Suśvietnaj arhanizacyi achovy zdaroŭja.
Dyzajniery kampanii «Hodna» padrychtavali płakaty na biełaruskaj i ruskaj movach «Trymajsia Hodna» z praviłami pavodzinaŭ padčas pandemii karanavirusa zhodna z paradami Suśvietnaj arhanizacyi achovy zdaroŭja.
Vy možacie:
— spampavać makiety na hodna.by i samastojna ich razdrukavać dy raspaŭsiudzić,
— biaspłatna zamović hatovyja płakaty dla raspaŭsiudu praz hetuju formu.
Rolik «Sakretny kod biełarusa» — heta pieršaja praca ź sieryi budučych videasiužetaŭ pra biełaruskuju hodnaść i našy nacyjanalnyja sakrety dy kaštoŭnaści.
Hetuju historyju pra sakretny kod biełarusa ŭ svaim fejsbuku raskazaŭ viadomy biełaruski pradprymalnik Ihar Skarynin. Spačatku jon bajaŭsia, što tema niebiaśpiečnaja i moža vyklikać sprečki, ale jon pamyliŭsia. Jaho historyja sabrała tysiačy padabajek i sotni pazityŭnych kamientaroŭ.