Pra heta zajaviŭ načalnik hałoŭnaha ŭpraŭleńnia pa achovie zdaroŭja abłvykankama Michaił Višniaviecki na siońniašnim pasiadžeńni abłasnoha štaba pa baraćbie z raspaŭsiudžvańniem karanavirusnaj infiekcyi, paviedamlajuć «Viciebskija vieści».
Pavodle jaho słoŭ, prytok pacyjentaŭ z zachvorvańniami na pnieŭmaniju za minułyja vychadnyja byŭ niaznačnym. U subotu špitalizavali 109 čałaviek, u niadzielu — 56. Jašče niekalki dzion tamu hetyja ličby byli značna bolšymi — dachodzili da 300 i vyšej.
— Ale pakul składana kazać ab ustojlivaści hetaj tendencyi. Mahčyma, ludzi ź simptomami zachvorvańniaŭ nie zachacieli źviartacca da miedykaŭ. Najbližejšyja dni pakažuć realnuju karcinu. Źnižeńnie kolkaści pacyjentaŭ dało mahčymaść miedycynskim ustanovam pieraraźmierkavać łožkavy fond na ciažkich chvorych, lohkich i tych, kaho možna adpuścić na ambułatorna-palikliničnaje dalečvańnie, — adznačyŭ Michaił Višniaviecki.
Pa źviestkach Minzdaroŭja na 20 krasavika ŭ Viciebskaj vobłaści było zafiksavana 1504 stanoŭčych testaŭ na COVID-19.
