Nacyjanalny bank rekamiendavaŭ kamiercyjnym bankam razhledzieć mahčymaść dać hramadzianam adterminoŭki viartańnia (pahašeńnia) kredytu i vypłaty pracentaŭ za karystańnie im. Heta vynikaje ź lista rehulatara ŭ adras bankaŭ.
Hetyja rekamiendacyi dadzienyja «ŭ metach źnižeńnia kredytnaj nahruzki na hramadzian u suviazi z paharšeńniem ich finansavaha stanovišča i niemahčymaściu naležnaha vykanańnia imi abaviazacielstvaŭ pa kredytnych dahavorach».
Kredytnyja vakacyi mohuć być dadzienyja pry ŭmovie najaŭnaści dakumientaŭ. Adnačasova z hetym budzie pradoŭžany termin viartańnia (pahašeńnia) kredytu.
U Nacbanku ličać, što ŭ suviazi «ź niespryjalnaj epidemijałahičnaj abstanoŭkaj isnuje imaviernaść skaračeńnia dachodaŭ arhanizacyj i pradpryjemstvaŭ z pryčyny abmiežavańnia abo niemahčymaści ažyćciaŭleńnia imi svajoj dziejnaści, što moža vyklikać nieabchodnaść dać rabotnikam sacyjalnyja adpačynki z častkovym zachavańniem zarabotnaj płaty». Akramia taho, mnohija hramadzianie mohuć vymušana znachodzicca ŭ sacyjalnych adpačynkach biez zachavańnia zarpłaty.
