20 sakavika na ličbavych muzyčnych placoŭkach źjavilisia ŭsie albomy hurta N.R.M., stvoranyja kłasičnym składam u 1995-2007 hadach.
Kalektyŭ byŭ zasnavany ŭ 1994 hodzie na pareštkach hurta «Mroja» Lavonam Volskim (vakał, hitara), Pitam Paŭłavym (hitara), Jurasiom Laŭkovym (bas-hitara), Alezisam Dziemidovičam (bubny).
Pieršuju surjoznuju papularnaść N.R.M. prynieśli albomy «Odzirydzidzina» (1996) i «Pašpart hramadzianina N.R.M.» (1998). Status adnaho z hałoŭnych biełaruskich hurtoŭ usich časoŭ — albomy «Try čarapachi» (2000) i «Dom kultury» (2002).
U hetym składzie muzyki stvaryli šeść studyjnych albomaŭ, jakija nikoli nie prysutničali na ličbavych placoŭkach, tamu što ŭ 2010 hodzie šlachi Lavona Volskaha i astatnich udzielnikaŭ razyšlisia.
A miž tym popyt na zapisy hurta jość dahetul. U 2019 hodzie servis «Jandeks Muzyka» pravodziŭ u Biełarusi apytańnie nakont taho, jakich artystaŭ najpierš brakuje jaho ajčynnym karystalnikam. N.R.M. tady trapili ŭ top-5 razam z Rammstein, Metallica, Tool i King Crimson. Siońnia na placoŭcy źjaviŭsia apošni artyst z hetaj piaciorki.
— Vielmi dobra, što, narešcie, spadčyna hurta ŭparadkavanaja: možna aficyjna i zručna pasłuchać pieśni na ličbavych placoŭkach, — napisaŭ Lavon Volski z hetaj nahody ŭ svaim Facebook. — Dla mianie hetaja padzieja jašče i nahoda pahladzieć, nakolki hety stary (kali nie skazać «staražytny») materyjał zapatrabavany ŭ ciapierašniaj šyrokaj publiki. Ci budzie jana aktyŭna strymić hetyja tvory, ci nie? Dosyć cikavy test!
Adzinaja spasyłka na albomy kłasičnaha składu N.R.M. na placoŭkach (śpis budzie dapaŭniacca).
