Ministerstva achovy zdaroŭja prapracoŭvaje pytańnie dastaŭki lekaŭ z aptek na dom. Pra heta paviedamiŭ siońnia žurnalistam kiraŭnik viedamstva Uładzimir Karanik, piša BiełTA.
«Kali jość elektronny recept, nie treba papiarovaha nośbita. Heta značyć piensijanier moža patelefanavać u palikliniku, i doktar vypiša elektronny recept. Biezrecepturnyja preparaty možna budzie zamović pa telefonie albo pa internecie z dastaŭkaj na dom. My prapracoŭvajem hetuju sistemu», — raspavioŭ Uładzimir Karanik.
Pakul havorka idzie pra apteki, jakija majuć stacyjanarnuju sietku, u pryvatnaści, dystrybjutary «Farmacyja». Mahčyma, da hetaj sistemy zmohuć dałučycca i inšyja bujnyja sietki.
Raniej źjaviłasia infarmacyja, što aptečnyja sietki ADEL i «Dobryja leki» zapuścili mahčymaść anłajn-zamovy lekaŭ z dastaŭkaj u bližejšuju da pakupnika apteku. Anłajn-braniravańnie zapracavała amal va ŭsich haradach krainy.
