Z telezvarotam da nacyi vystupiŭ karol Ispanii Fielipie VI. Fota karaleŭskaha dvara.
Epidemija ŭ Ispanii dalokaja ad svajho piku, kolkaść śmiarotnych vypadkaŭ praciahvaje narastać.
Za apošnija sutki ŭ Ispanii vyjavili 3431 novaha chvoraha. Kolkaść śmiarciej za dzień skłała 169.
Asabliva ciažkaja situacyja skłałasia ŭ stalicy karaleŭstva, Madrydzie, na jaki prypadaje bolšaja častka śmiarciej. U špitalach Madryda znachodziacca 3006 pacyjentaŭ z Covid-19, paviedamlaje vydańnie «El Pais». Učora ŭ Madrydzie pamierła 88 čałaviek z karanavirusam.
Učora z telezvarotam da nacyi vystupiŭ karol Ispanii Fielipie VI. Jon zaklikaŭ ludziej da adzinstva i salidarnaści i vykazaŭ upeŭnienaść, što Ispanija pieramoža ŭ hetym zmahańni.
Siońnia ŭ Krainie Baskaŭ ad karanavirusa pamierła miedsiastra. Heta pieršy vypadak śmierci miedycynskaha rabotnika na terytoryi Ispanii.
Usiaho za pieryjad pandemii ŭ Ispanii pamierli 767 čałaviek.
Čytajcie taksama: Karlikavaja kraina vyjaviłasia samaj zaražanaj karanavirusam
