expressilustrowany.pl
Pieršy vypadak zachvorvańnia karanavirusnaj infiekcyjaj COVID-19 zafiksavany ŭ Polščy. Pra heta piša Express Ilustrowany.
Pavodle vydańnia, zaraziłasia 25-hadovaja dziaŭčyna. Ciapier jana špitalizavana ŭ balnicu adnaho z najbujniejšych haradoŭ krainy — Łodzi. Stan zachvarełaj narmalny, pry hetym saninśpiekcyja vyjaŭlaje ludziej, ź jakimi jana kantaktavała.
Dziaŭčyna 22 lutaha viarnułasia ŭ Polšču z Tajłanda, dzie praviała miesiac. Joj stała błaha za miažoj, a ź simptomaŭ, u pryvatnaści, prablemy z dychańniem. Pry hetym u Tajłandzie jana prymała antybijotyki, a pa viartańni na radzimu źviarnułasia ŭ balnicu, dzie joj zrabili test. Jon i vyjaviŭ u jaje novy karanavirus.
U Minzdaroŭja pakul abviarhajuć karanavirus. Ale na 15.30 zapłanavana pres-kanfierencyja ministra achovy zdaroŭja.
