Prakuratura Bałharyi nazvała imiony rasiejcaŭ, abvinavačanych u zamachu na bałharskaha biznesmiena Jemialjana Hiebrava i jaho syna Chrysta. Havorka idzie pra troch hramadzian Rasii — Siarhieja Paŭłava, Siarhieja Fiadotava i Hieorhija Harškova. Usim trom prakuratura ŭžo vystaviła zavočnyja abvinavačvańni.
Usie jany žyvuć u Maskvie.
U viedamstvie patłumačyli, što ŭsie troje abvinavačanych vykarystoŭvali dla vyjezdu za miežy Rasii roznyja dakumienty na inšyja imiony.
U listapadzie 2019 hoda Bellingcat i The Insider sumiesna ź niamieckaj Der Spiegel paviedamili, što ŭ zamachu na Hiebrava ŭdzielničali vosiem supracoŭnikaŭ rasijskaj vajennaj raźviedki, siarod jakich zhadvalisia i Siarhiej Fiadotaŭ, i Siarhiej Paŭłaŭ, i Hieorhij Harškoŭ. Pry hetym śledčyja śćviardžali, što «Siarhiej Fiadotaŭ» — heta apieratyŭny psieŭdanim aficera HRU Dzianisa Siarhiejeva, jaki prybyŭ u Brytaniju razam z «Bašyravym» i «Piatrovym» u dzień atručvańnia Skrypaloŭ. Sapraŭdnyja imiony Paŭłava i Harškova pa danych daśledčykaŭ — heta Siarhiej Lucienka i Piotr Barysaŭ adpaviedna.
