U studzieni dola stratnych pramysłovych pradpryjemstvaŭ u Biełarusi składała 30,4% ad ich ahulnaha liku.
Jak paviedamlaje Nacyjanalny statystyčny kamitet, pa vynikach studzienia 624 pramysłovyja pradpryjemstvy atrymali čystuju stratu na ahulnuju sumu 200,4 młrd. rubloŭ, što ŭ 5,6 raza bolš, čym u studzieni 2008 hoda.
Najbolšyja sumy čystaj straty ŭ pradpryjemstvaŭ charčovaj pramysłovaści (75,2 młrd. rubloŭ), mašynabudavańnia i mietałaapracoŭki (33,6 młrd. rubloŭ), chimičnaj i naftachimičnaj pramysłovaści (24 młrd. rubloŭ), lohkaj pramysłovaści (23,5 młrd. rubloŭ), lasnoj, drevaapracoŭčaj i celułozna‑papiarovaj pramysłovaści (19,1 młrd. rubloŭ).
Rentabielnaść realizavanaj pradukcyi, rabot, pasłuh pramysłovych pradpryjemstvaŭ za studzień 2009 hoda skłała 8,1% (za studzień 2008 hoda — 16,5%), rentabielnaść prodažu — 6,2% (11,8%).
Vyšej, čym u siarednim pa pramysłovaści, rentabielnaść realizavanaj pradukcyi, rabot, pasłuh za studzień była ŭ naftazdabyŭnaj pramysłovaści (43,2%), miedycynskaj (22,1%), tarfianoj (20,8%), palihrafičnaj (15,4%),charčasmakavaj (13,9%), naftapierapracoŭčaj pramysłovaści (13,5%), pryborabudavańni (12,9%), rybnaj (11,7%), drevaapracoŭčaj (10,7%), naftachimičnaj (9,7%), pramysłovaści budaŭničych materyjałaŭ (9,3%).
Nižej, čym u siarednim pa pramysłovaści, uzrovień rentabielnaści realizavanaj pradukcyi, rabot, pasłuh skłaŭsia ŭ šviejnaj (7,8%), stankabudaŭničaj i instrumientalnaj pramysłovaści (7,2%), traktarnym i sielskahaspadarčym mašynabudavańni (6,4%), mukamolna‑krupianoj i kambikormavaj pramysłovaści (5,2%), aŭtamabilnaj (3,6%), chimičnaj (1,8%), tekstylnaj pramysłovaści (0,7%).
Stratnaj była realizacyja ŭ mikrabijałahičnaj (minus 1,1%), celułozna‑papiarovaj (minus 3,2%), miasnoj i małočnaj pramysłovaści (minus 4,1%).
