Raspačata sprava ab bankructvie UP «Dyrekcyja pa rekanstrukcyi płoščy Niezaležnaści».Pra heta paviedamiła sudździa Haspadarčaha suda Minska Alena Mielnikava.
Pavodle jaje słoŭ, asnoŭnym kredytoram pradpryjemstva źjaŭlajecca haradskaja padatkovaja inśpiekcyja.
Dyrekcyja maje daŭhi pierad biudžetam Minska ŭ pamiery bolš za 1 młrd. rubloŭ.«Pakul konkursnaja vytvorčaść nie raspačata ŭ suviazi z tym, što nie pryznačany kryzisny kiraŭnik, jaki ciapier prachodzić navučańnie», — paviedamiła A.Mielnikava.
«Kali budzie kiraŭnik, buduć zapytanyja patrabavańni inšych kredytoraŭ i, ja liču, suma daŭhoŭ budzie značna bolšaj», — ličyć sudździa.
Kamunalnaje ŭnitarnaje pradpryjemstva «Dyrekcyja pa rekanstrukcyi płoščy Niezaležnaści» było zasnavanaje Minharvykankamam dla kiraŭnictva budaŭničymi rabotami na płoščy, što pravodzilisia z 2004 pa 2006 hady. Asnoŭnym abjektam stała budaŭnictva padziemnaha hramadska‑handlovaha centra «Stalica» płoščaj kala 103 tysiačy kvadratnych mietraŭ. Aprača hetaha, byli pabudavany padziemnyja pierachody, padziemny parkinh, koleramuzyčny fantan i praviedziena dobraŭparadkavańnie terytoryi. Pavodle prajektna‑kaštarysnaj dakumientacyi, košt prajekta rekanstrukcyi płoščy skłaŭ bolš za 225 młrd. rubloŭ.
