Kiraŭnik Nacbanku Biełarusi zajaviŭ pra kurs na admovu ad dalaraŭ va ŭzajemaraźlikach.
Pieramoŭny praces z Rasijskaj Fiederacyjaj pa vykarystańni va ŭzajemaraźlikach u jakaści reziervovaj valuty rasijskaha rubla blizki da zaviaršeńnia, zajaviŭ staršynia praŭleńnia Nacyjanalnaha banku Piotr Prakapovič 16 sakavika ŭ chodzie dakładu Alaksandru Łukašenku. Pavodle jaho słoŭ, anałahičnyja pieramovy viaducca i z Ukrainaj, paviedamlaje pres‑słužba kiraŭnika dziaržavy.
U Nacbanku ličać, što adnoj z pryčyn kryzisu suśvietnaj ekanomiki stała daminavańnie adnoj reziervovaj valuty — dołara ZŠA. «My zrabili vysnovu, što pavinny maksimalna stymulavać raźvićcio dvuchbakovych i šmatbakovych adnosinaŭ za košt raźlikaŭ u nacyjanalnych valutach, za košt stymulavańnia prymianieńnia reziervovych rehijanalnych valut inšych krain, kab tym samym minimizavać straty ad hiehiemonii adnoj valuty», — skazaŭ staršynia praŭleńnia Nacbanka.
Pavodle jaho słoŭ, u hetym kirunku ŭžo paśpiachova zrobleny pieršyja kroki. Tak, zaznačyŭ P.Prakapovič, Biełaruś zaklučyła pahadnieńnie z Kitajem ab finansavaj ździełcy, pa jakoj atrymała mahčymaść dostupu da kitajskich resursaŭ u abjomie kala 3 młrd dołaraŭ «na vyklučna vyhadnych dla siabie ŭmovach». Heta źjaŭlajecca asnovaj dla aktyvizacyi handlova‑ekanamičnych adnosinaŭ pamiž dźviuma krainami, a taksama dazvolić najbližejšym časam naraścić dvuchbakovy tavaraabarot nie mienš čym u piać razoŭ, skazaŭ jon. «Heta toj stymuł, jaki na 10—15 hadoŭ napierad daje finansavaje zabieśpiačeńnie dla raźvićcia našaj ekanomiki», — zaznačyŭ Piotr Prakapovič.
Takim čynam, pavodle jaho słoŭ, Biełaruś płanuje ŭ raźlikach z usimi asnoŭnymi handlovymi partniorami pierajści na vykarystańnie reziervovych rehijanalnych valut. U pierśpiektyvie heta dazvolić źnizić zaležnaść krainy ad adnoj valuty, u pryvatnaści dołara.
Pavodle słoŭ P.Prakapoviča, miery, što prymajucca, — heta adzin sa sposabaŭ minimizacyi nastupstvaŭ suśvietnaha finansava‑ekanamičnaha kryzisu.
