13 sakavika sud Kalinkavickaha rajona (Homielskaja vobłaść) pryhavaryŭ da siami hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu
75‑hadovaha piensijaniera, žychara vioski Lipaŭ za zabojstva 15‑hadovaha padletka.
Jak paviedamili BiełaPAN u sudzie Kalinkavickaha rajona, sud taksama vynies rašeńnie ab vypłacie maralnaha ŭronu svajakam zahinułaha ŭ pamiery 10 miljonaŭ rubloŭ.
Złačynstva było ŭčyniena 22 listapada 2008 hoda.
Školniki kidali śniežki pa domie mužčyny. Piensijanier vyjšaŭ na vulicu z palaŭničaj strelbaj i vystraliŭ.
Paźniej na śledstvie jon śćviardžaŭ, što nie chacieŭ nikoha zabivać, a stralaŭ, kab spałochać chulihanaŭ, jakija, pavodle jaho słoŭ, časta kidalisia śniežkami i kamianiami ŭ šyby, pa dachu i pa ścienach jaho doma. Karciečču byŭ paranieny ŭ hałavu vučań 9‑ha kłasa. Pry dapamozie siabroŭ jon sprabavaŭ dajści damoŭ. Padletak pamior pa darozie ŭ balnicu.
U dačynieńni da piensijaniera była raspačata sprava pa č. 1 art. 139 KK (naŭmysnaje zabojstva).
