Hiermanski bok prapanuje Biełarusi zasnavać sumiesnaje ahienctva enerhietyki. Takuju prapanovu ahučyŭ sna sieminary ŭ Minsku «Palapšeńnie ŭmovaŭ dla pryciahnieńnia zamiežnych inviestycyj» pradstaŭnik Kamitetu pa ŭschodniejeŭrapiejskich adnosinach (Hiermanija) Rajnier Lindnier.
«Anałahičnaje ahienctva my niadaŭna stvaryli z Rasijaj. Na hetym prykładzie možna śćviardžać, što heta vielmi važny i vyhadny prajekt dla abodvuch zacikaŭlenych bakoŭ», ‑‑ skazaŭ Rajnier Lindnier.
Pavodle jahonych słovaŭ, u druhoj pałovie hetaha hodu Uschodni kamitet arhanizuje ŭ Hiermanii ekanamičny forum, kudy zaprošanyja pradstaŭniki Biełarusi. Taksama Lindnier paviedamiŭ pra zaprašeńnie biełaruskich pradpryjemstvaŭ uziać udzieł u Hanovierskim kirmašy.
Tavaraabarot Biełarusi i Hiermanii skłaŭ u 2008 hodzie 2,5 młrd jeŭra. Na dumku pradstaŭnika Kamiteta pa ŭschodniejeŭrapiejskich adnosinach, tut jość jašče vielmi vialiki nierealizavany patencyjał. «Dla paraŭnańnia: tovaraabarot Hiermanii z Čechijaj, nasielnictva jakoj taksama kala 10 młn, składaje 56 młrd jeŭra», — adznačyŭ jon.
Rajnier Lindnier źviarnuŭ uvahu na nieabchodnaść umacavańnia ŭ Biełarusi kłasu niezaležnych pradprymalnikaŭ, što majuć svabodnyja ryčahi dla ažyćciaŭleńnia biznesu i zdolnyja ŭziać na siabie peŭnyja ryzyki.
