U kastryčniku minułaha hoda na sajcie «RH» byŭ raźmieščany zdymak, dasłany čytačom. Na im aŭtar zafiksavaŭ pryviazanaje da viarovačak myła ŭ adnoj z prybiralniaŭ pradpryjemstva. Zahałovak da publikacyi byŭ «Kab nie skrali. U prybiralni na maładziečanskim zavodzie myła pryviazali na viaroŭku»
Zavod paličyŭ, što publikacyja nanosić škodu dziełavoj reputacyi pradpryjemstva, i padaŭ isk da vydańnia ŭ Ekanamičny sud Minskaj vobłaści.
U isku iściec patrabavaŭ ad adkazčyka abvierhnuć apublikavanuju infarmacyju, abaviazać redakcyju padać infarmacyju ab asobie, jakaja dała źviestki vydańniu, dla pryciahnieńnia jaje da adkaznaści, spahnać z adkazčyka dziaržpošlinu.
Pieršaje, papiaredniaje, sudovaje pasiadžeńnie adbyłosia ŭ kancy minułaha hoda. Druhoje prajšło 16 studzienia.
22 studzienia baki dasiahnuli miravoha pahadnieńnia, dzie iściec admoviŭsia ad svaich patrabavańniaŭ u poŭnym abjomie. Zavod taksama abaviazvajecca viarnuć vydańniu pałavinu vydatkaŭ na apłatu pasłuh advakata.