Ułady Paŭnočnaj Karei nie bačać sensu być źviazanymi pahadnieńniem, jakoje inšy bok nie vykonvaje, zajaviŭ pradstaŭnik KNDR u AAN, piša Reuters.
Ułady ZŠA staviać Paŭnočnuju Kareju pad udar «nadzvyčajna lutych i niehumannych sankcyj», a tamu respublika nie ličyć dalej siabie źviazanaj abaviazalnictvami ab uviadzieńni maratoryja na jadziernyja i rakietnyja vyprabavańni.
«Ciapier, kali stała jasna, što ZŠA nie admovilisia ad svajho imknieńnia błakavać raźvićcio KNDR i zadušyć jaje palityčnuju sistemu, my nie bačym padstaŭ, kab i dalej być źviazanymi ŭ adnabakovym paradku abaviazacielstvami, jakija inšy bok nie vykonvaje», — zajaviŭ na kanfierencyi pa razzbrajeńni daradca pastajannaha pradstaŭnictva KNDR pry adździaleńni AAN u Ženievie Čžu Jon Čchol.
