Polskaje Ministerstva zamiežnych spravaŭ abvierhła infarmacyju tydniovika «Ŭprost», što ŭ suviazi sa źjezdam Sajuzu palakaŭ Biełarusi polski MZS pieradaŭ biełaruskamu boku svajho rodu ultymatum.
Takaja infarmacyja nie pachodziła z krynicaŭ u MZS, padkreślivajecca ŭ zajavie.
Tema «ŭdziełu Biełarusi va Ŭschodnim partniorstvie», a taksama «situacyja vakoł SPB» zastajucca temaj dvuchbakovaha dypłamatyčnaha dyjałohu, padkreślivajecca ŭ zajavie, ale abodva baki «imknucca vyrašać hetyja pytańni ŭ duchu kampramisu i ŭzajemnaha parazumieńnia».
Majucca na ŭvazie sustrečy niadaŭnija sustrečy namieśnika ministra zamiežnych spravaŭ Biełarusi Varanieckaha z polskimi dypłamatami.
Na minułym tydni tydniovik «Uprost» apublikavaŭ infarmacyju pra isnavańnie faktyčnaha ultymatumu: abo biełaruskija ŭłady pierastajuć špyniać palakaŭ u Biełarusi, abo Łukašenka nie atrymaje zaprašeńnia na jeŭrapiejskuju sustreču ŭ viarchach u Prazie.
Što cikava, hetaja infarmacyja ŭpieršyniu źjaviłasia na małaviadomym partale polskaweb.eu, što bazujecca navat nie ŭ Varšavie, a ŭ Paznani. Takim čynam,
historyja maje vyhlad metaskiravanaj uciečki infarmacyi z MZS, ale takoj nie jość.
Polskija ŭłady sapraŭdy, jak vyhladaje, chacieli b narmalizacyi stanovišča vakoł SPB‑Borys. Heta značyć, u ideale, lehalizacyi jaje dziejnaści šlacham aficyjnaha pryznańnia. A na hetym etapie — prynamsi bieśpieraškodnaha praviadzieńnia źjezdu. I praviadzieńnie hetaha źjezdu budzie rasceńvacca jeŭrapiejcami jak plus: tak jak plusam ličycca bieśpieraškodnaje praviadzieńnie źjezdu Chryścijanskaj demakratyi ci Asamblei niaŭradavych arhanizacyj. Adnak
Varšava nie maje namieru ŭviazvać pytańni vakoł svajoj nacyjanalnaj mienšaści z ahulnymi pytańniami zbližeńnia Biełaruś ź ES, adnaznačna dali zrazumieć u polskim MZS.Nichto nie choča razmaŭlać na movie ultymatumaŭ.
Z zajavy polskaha MZS vynikaje, što ŭkid infarmacyi pra nibyta «ultymatum» vyhadny siłam, jakija b chacieli sarvać biełaruska‑ieŭrapiejski dyjałoh.
