Siońnia ŭ Vilni kala ambasady Kitajskaj Narodnaj Respubliki adbyŭsia pikiet u padtrymku baraćbitoŭ za volny Tybiet. U akcyi pryniali ŭdzieł kala 35 čałaviek: litoŭskija aktyvisty z hrupy padtrymki Tybietu i Fondu tybieckaj kultury, budysckija manachi‑biežancy, što pražyvajuć ciapier na terytoryi Indyi, a taksama biełarusy — studenty EHU i aktyvisty BUNTu.
Pikiet adbyvaŭsia na praciahu troch hadzinaŭ. Pratestoŭcy amal uvieś čas skandavali pa‑anhielsku i pa‑litoŭsku «Svabodny Tybiet!», «Kitaj — idzi damoŭ!», «Jany zabojcy, jany miaśniki», «Svaboda Tybietu — heta i naša svaboda», «Žyvie Dałaj Łama». Minaki raspytvali ŭdzielnikaŭ ab metach akcyi, mnohija fatahrafavalisia na fonie tybieckich ściahoŭ, aŭtamabili sihnalili. Treba adznačyć, što za hety čas da pratestujučych dałučylisia niekalki čałaviek.
Zatym a 5‑j viečara na Ratušnaj płoščy Vilni adbyŭsia nievialiki mitynh suprać kitajskaj akupacyi Tybietu.
