Kampanija «Ukrtatnafta» ŭkrainskaha aliharcha Ihara Kałamojskaha źviarnulisia z aficyjnym listom da prezidenta Ukrainy Uładzimira Zialenskaha z nahody ŭdziełu «Naftahaza» ŭ imparcie naftapraduktaŭ, jakija mohuć być źviazanyja z rasijskimi kampanijami, paviedamlaje pres-słužba kampanii.
Havorka idzie pra pryniataje rašeńnie pa kantrakcie na pastaŭku naftapraduktaŭ vytvorčaści Mazyrskaha NPZ ad Biełaruskaj naftavaj kampanii ŭ pryvatnaj kampanii TAA «Naftahaz Ojł Trejdynh», stvoranaj AAT «Ukrtransnafta» ŭ adpaviednaści z rašeńniem ukrainskaha «Naftahazu».
«Ukrtatnafta» zajaŭlaje, što Mazyrski NPZ maje ŭ akcyjanierach rasijskija naftavyja kampanii Rasnafta i Hazpramnafta i na 100% zaležyć ad pastavak rasijskaj nafty.
«Rasnafta i Hazpramnafta znachodziacca pad sankcyjami va Ukrainie zhodna z rašeńniem Rady nacyjanalnaj biaśpieki i abarony Ukrainy ad 02.05.2018 hoda. «Ukrtatnafta» ličyć, što zhadanyja vyšej handlovyja apieracyi, kali naŭprost nie parušajuć zakon, to źjaŭlajucca pa mienšaj miery «taksičnymi».
Tamu što byli inicyjavanyja faktyčna ŭkrainskimi dziaržaŭnymi kampanijami «Naftahaz Ukrainy» i AAT «Ukrtransnafta» z pradpryjemstvami, jakija majuć akcyjanierami sankcyjnyja kampanii, jakija spryjali anieksii častki terytoryi Ukrainy», — havorycca ŭ paviedamleńni.
