Pavodle jaje słoŭ, rabota pa libieralizacyi ekanomiki patrabuje paskareńnia, kab nadać novy impuls bujnym pradpryjemstvam, małomu i siaredniamu biźniesu.
Zroblenych zachadaŭ niedastatkova, jany nie mohuć całkam zabiaśpiečvać ustojlivaść pracy,ličyć namieśnik ministra.
Jana zaklikała ŭsie zacikaŭlenyja asoby nakiroŭvać prapanovy pa pieraadoleńni kryzisu va ŭrad. «Siońnia staić pytańnie ab vyžyvalnaści ekanomiki, i my adkrytyja da pošuku vychadaŭ z kryzisu i abmierkavańnia prapanoŭ», — padkreśliła Starčanka.
Pavodle słoŭ namieśnika ministra,
usie mierapryjemstvy pa pieraadoleńni finansavaha kryzisu skiravanyja na ćviorduju ekanomiju hrašovych srodkaŭ.Praviedziena invientaryzacyja dziaržprahram, skaračajucca raschody i prajekty, jakija nie adnosiacca da pieršačarhovych, i «heta rabota praciahvajecca», zaznačyła namieśnik ministra. «Dziakujučy hetym mieram my majem dosyć niadrennyja vyniki letaś», — ličyć Starčanka.
Razam z tym, pavodle jaje słoŭ, «vidavočna zapavoleńnie raźvićcia ŭ pramysłovym siektary ekanomiki», što paćviardžajecca źviestkami statystyki. «My majem rost VUP u studzieni na 4,5%, a za studzień‑luty — na 1,4%», — paviedamiła namieśnik ministra.
U pramysłovaści, pavodle słoŭ Starčanki, adznačajecca padzieńnie tempaŭ rostu, pryčym zakranuty ŭsie haliny ekanomiki, asabliva mašynabudavańnie i mietałaapracoŭka, vytvorčaść budmateryjałaŭ, lohkaja i drevaapracoŭčaja pramysłovaść.
«Dla kompleksnaha vyrašeńnia prablemy sa źnižeńniem popytu na rynkach zbytu biełaruskaj pradukcyi ŭrad i Nacbank raspracavali šerah mierapryjemstvaŭ, siarod jakich — padtrymka pramysłovych pradpryjemstvaŭ za košt ilhatavańnia pracentnych stavak kredytaŭ, vydzialeńnie padatkovych kredytaŭ, skaračeńnie raschodaŭ», — paviedamiła namieśnik ministra.
