Apieratyŭniki narkakantrolu Homielščyny spynili dziejnaść internet-kramy pa prodažy narkotykaŭ, usiaho kanfiskavana 600 hram Alfa-PVP, paviedamlaje aficyjny pradstaŭnik MUS Volha Čamadanava ŭ svaim telehram-kanale.
U kancy śniežnia milicyja zatrymała čaćviarych maładych ludziej, jakija arhanizavali internet-kramu pa prodažy narkotykaŭ.
Pa miescy žycharstva adnaho ź ich było vyjaŭlena amal 550 hram rečyva i ŭsie spadarožnyja atrybuty: šali, izastužka, zip-pakiety. Astatni narkotyk byŭ znojdzieny ŭ miescach zakładak na terytoryi Homiela, Homielskaha i Rečyckaha rajonaŭ. Tam, dzie zboili GPS-kaardynaty, dapamoh słužbovy sabaka v/č 5525 unutranych vojskaŭ MUS pa mianušcy Smajł.
Arhanizataram internet-kramy staŭ 23-hadovy chłopiec. Jon prapanavaŭ svaim siabram zarabić lohkija hrošy, pradajučy psichatropy, i tyja pahadzilisia.
Bujnuju partyju alfa-PVP maładyja ludzi pryvieźli samastojna z Rasii. Da pracesu prodažaŭ padklučyli naniatych «minioraŭ», jakija rabili zakładki, zakopvajučy ich u ziamlu.