11 sakavika na dźvie hadziny viadomy bard i paet Aleś Kamocki razam sa svaim bendam i pieśniami stanie adnoj z ekspazicyj Muzieju historyi i kultury Biełarusi.
Jany vykanajuć muzyčny prajekt «Z baćkoŭskaj kružełki», a taksama niekalki starych i novych tvoraŭ ź inšych prahram.
Zrabić taki aryhinalny «ekspazicyjny» vystup zaprapanavaŭ dyrektar muzieju, kali pačuŭ dysk «Z baćkoŭskaj kružełki», na jakim Aleś Kamocki zapisaŭ pierakładzienyja na biełaruskuju movu chity savieckich časoŭ.
«Dla mianie heta budzie samy niezvyčajny vystup u žyćci. Za dvaccać hadoŭ davodziłasia hrać u roznych miescach, navat u turmie i na schodcy ŭ bandziukoŭ, a voś u muziejach jašče nie było, — pryznajecca Kamocki. — Ale tym bolš cikava budzie pasprabavać niešta novaje».
Darečy, usie chto nabudzie kvitok na kancert atrymajuć mahčymaść biez dadatkovaj płaty naviedać inšyja ekspazicyi muzieju, ale rabić heta treba da pačatku vystupa.
Adras muzieju: Minsk, vuł. K.Marksa, 12.
Daviedki pa telefonach (017) 227 43 22, (029) 253 25 04. Pačatak — 18.00. Košt kvitkoŭ — 12 500 rub.
