Lider Ruchu za Svabodu Alaksandr Milinkievič vykazaŭsia ŭ spravie Sajuzu palakaŭ Biełarusi i abaronie jaho polskimi ŭładami.
Alaksandr Milinkievič zajaviŭ, što ličyć dziejańni polskaha ŭradu całkam adpaviednymi normam demakratyčnaha jeŭrapiejskaha hramadstva, jakoje rašuča baronić pravy svajoj nacyjanalnaj mienšaści, pres-słužba Ruchu za Svabodu
«Represii suprać Sajuza palakaŭ Biełarusi nie prosta niedalnabačnyja, jany škodnyja nacyjanalnym intaresam, našym pierśpiektyvam u jeŭraintehracyi. I biaśpieka Polščy ŭ značnaj stupieni zaležyć ad taho, ci budzie Biełaruś niezaležnaj i suvierennaj. Nievypadkova mienavita hetaja kraina razam sa Šviecyjaj źjaŭlajecca inicyjataram prahramy Jeŭrasajuza «Uschodniaje partniorstva». Dla nas stratehična važna maksimalna vykarystoŭvać ščyraje žadańnie našych susiedziaŭ zaanhažavać jeŭrapiejskija struktury ŭ raźvićcio ekanamičnaha i humanitarnaha supracoŭnictva ź Biełaruśsiu, — nahadvaje Alaksandr Milinkievič.
Źjezd Sajuzu palakaŭ na čale z Anžalikaj Borys projdzie 14‑15 sakavika. Nie fakt, što ŭłady dazvolać jaho praviadzieńnie.
