Biełaruskamu narodu pad siłu pieraadoleć usie ciažkaści. Pra heta zajaviŭ kiraŭnik dziaržavy Alaksandr Łukašenka siońnia na pryjomie ad imia kiraŭnika Biełarusi napiaredadni staroha Novaha hoda, piša BiełTA.
«Hałoŭnaje — nie źmianšać chutkaść i nia adchilacca ad abranaha nami šlachu, — skazaŭ jon. — Nas šmat, ale Biełaruś u nas adna. I hetaja prostaja iścina lažyć u asnovie dziaržaŭnaha suvierenitetu i niezaležnaści krainy».
«Siońnia my paraŭnoŭvajem śviet vakoł nas z akijanam, jaki biaskonca ŭ apošni čas štarmić. Biełaruś u im choć i nie samy vialiki, moža być, i nievialiki, ale davoli mocny karabiel, jaki my pavinny zachavać», — adznačyŭ jon.
Jašče litaralna ŭčora biełarusy padvodzili vyniki minułaha hoda, a siońnia ŭžo 2020-y pačynaje raźbieh, apuskajučy ŭ vir padziej, spraŭ, faktaŭ i mierkavańniaŭ. «Jon budzie pa-svojmu asablivym i stanie takim, absalutna takim, jakim my jaho z vami zrobim. Treba tolki, jak i raniej, šanavać i bierahčy toje, što majem, zachoŭvać i raźvivać lepšaje, raspracoŭvać i stvarać samaje pieradavoje. U advarotnym vypadku adstaniem. A zhurtavanaść, naša luboŭ da Radzimy šmatkroć prymnožać našy siły dla novych dasiahnieńniaŭ», - upeŭnieny Alaksandr Łukašenka.
