Dałaj Łama, fota Julii Daraškievič.
Dałaj Łama vystupiŭ z rezkaj krytykaj kitajskaha kiravańnia ŭ Tybiecie, nazvaŭšy ŭmovy žyćcia svaich suajčyńnikaŭ «piekłam na Ziamli».
Pavodle duchoŭnaha lidera žycharoŭ Tybieta, piać dziesiacihodździaŭ, što prajšli pad uładaj Kitaja, prynieśli tybietcam «nieźličonyja pakuty».
U toj ža ža čas jon źvinavaciŭ ułady KNR u tym, što jany stvarajuć u Tybiecie atmaśfieru strachu.
Pavodle Dałaj Łamy, sotni tysiač tybietcaŭ byli zabityja i tysiačy chramaŭ byli razburanyja.
Dałaj Łama znoŭ zaklikaŭ da ŭstalavańnia «lehitymnaj i značnaj aŭtanomii Tybieta». Hety zaklik prahučaŭ padčas mierapryjemstvaŭ, pryśviečanych 50‑j hadavinie niaŭdałaha paŭstańnia tybietcaŭ suprać kiravańnia Kitaja.
U 1959 h. kali paŭstańnie było zadušana, Dałaj Łama vymušany byŭ šukać prytułku ŭ Indyi. U horadzie Dcharamsała źjaviŭsia ŭrad Tybieta ŭ vyhnańni, jaki dziejničaje i pa siońnia.
Ułady Kitaja śćviardžajuć, što mienavita Dałaj Łama staić za biesparadkami ŭ Łchasie, što adbylisia ŭ minułym hodzie, u vyniku jakich, pavodle aficyjnych źviestak, zahinuli 19 čałaviek
