U Rasii nabiraje abaroty skandał vakoł arhanizatara moładzievych vajennych hulniaŭ Ihara Tałstašeina. Na 47-hadovaha mužčynu zaviali kryminalnuju spravu «Hvałtoŭnyja dziejańni seksualnaha charaktaru».
Ihar Tałstašein — kiraŭnik Arhkamiteta vajenna-taktyčnych hulniaŭ «Zara», jakija pravodziacca pry padtrymcy Ministerstva abarony Rasii.
Historyja zakruciłasia, kali ŭ Maskvie syšła z domu 12-hadovaja dziaŭčynka. Jaje šukali try dni.
Akazałasia, što napiaredadni jana paznajomiłasia ŭ internecie z darosłym mužčynam i adpraviła jamu zdymki svaich pałavych orhanaŭ. Pry asabistaj sustrečy jon pierakanaŭ dziaŭčynku ŭciačy z doma. A paśla arandavaŭ kvateru i tam zaniaŭsia ź joj seksam. Pryčym dziaŭčynka brała za heta hrošy.
Kali mužčynu vyličyli i zatrymali, u jaho mabilniku znajšli pierapisku z sotniami dziaŭčynak, maładziejšymi za 14 hadoŭ.
Jak paviedamili «Kamsamolskaj praŭdzie» krynicy, blizkija da śledstva, u Tałstašeina była pałavaja suviaź z 9-hadovaj žycharkaj Biełarusi. Jon paznajomiŭsia ź joj u sacsietkach, a paśla pryjechaŭ da jaje ŭ hości ŭ Hrodna. Miarkujučy pa pierapiscy i pakazańniach padazravanaha, dzicia taksama brała hrošy za intym.
Dziaŭčynka z dobraj siamji. Pa infarmacyi rasijskich siłavikoŭ, ciapier spravaj zajmajecca biełaruskaja milicyja.
