«Kali Rasija pasprabuje parušyć naš suvierenitet, vy viedajecie, jak adreahuje suśvietnaja supolnaść, jany apynucca ŭciahnutymi ŭ vajnu. Zachad i NATA ŭžo hetaha [mierkavanaha zamachu na suvierenitet Biełarusi] nie pieraniasuć, bo jany paličać heta za pahrozu im. I ŭ čymści jany [Zachad] majuć racyju».
Pra heta kiraŭnik Biełarusi zajaviŭ siońnia ŭ intervju hałoŭnamu redaktaru «Echo Moskvy» Alaksieju Vieniadziktavu.
Ale, na dumku kiraŭnika krainy, padobny «hałaŭny bol» Rasii nie patrebny.
«Rasija, viadoma, budzie dziejničać akuratna, aściarožna. Pahroza źjavicca tady, niebiaśpiečnaja pahroza, kali ŭ nas budzie zusim drenna z ekanomikaj. Kali ludziam niemahčyma budzie ŭsio heta vynieści. Heta adzinaja pryčyna. Pakul ja va ŭładzie, heta adzinaja pahroza», — adznačyŭ Łukašenka.
«My nie kałasalna vializnaja kraina ź vializnymi resursami, ale znachodzimsia ŭ centry «katła». Tut siońnia pierasiakajucca ŭsie intaresy Zachadu na Uschod i nie tolki rasijskija, z poŭdnia na poŭnač. Voś tut tak skłałasia situacyja. I budučy ŭ hetym katle, treba siabie pavodzić nastolki dakładna, tonka i akuratna, kab ciabie nie zvaryli ŭ hetym katle», — dadaŭ kiraŭnik Biełarusi.
«Rasija kožny hod pačynaje presavać Biełaruś, «zakručvajučy hajki», — dadaŭ Łukašenka.
