21-hadovaja žycharka Miorskaha rajona pryjechała ŭ Połack u pošukach pracy. Damoviŭšysia z najmalnikam, pierad joj paŭstała pytańnie pra žyllo. Joj byŭ prapanavany varyjant: na pieršy čas pieranačavać ŭ kalehi, paviedamlaje abłasnaja milicyja.
Uviečary, kali dziaŭčyna vyjšła z pakoja, novaja susiedka skrała z kaśmietyčku 4 załatyja ŭpryhožvańni koštam 400 rubloŭ. Zavałodaŭšy čužymi kaštoŭnaściami jana paśpiašałasia źbiehčy ź miesca złačynstva. Na vulicy jana złaviła spadarožnuju mašynu i adpraviłasia na joj u bok Lepiela. Pa darozie dziaŭčyna raźličyłasia z kiroŭcam vykradzienym zołatam.
Paciarpiełaja źviarnułasia pa dapamohu ŭ milicyju i nieŭzabavie padazravanaja była zatrymana. U dačynieńni da jaje zaviedziena kryminalnaja sprava za kradziež. Pravaachoŭniki viaduć aktyŭnyja pošuki mužčyny, jaki zabraŭ skradzienyja kaštoŭnaści.
