Siońnia pačaŭsia prodaž biletaŭ na finał Lihi čempijonaŭ 2008/09 dla šyrokaj publiki.
Finał, jak viadoma. projdzie 27 traŭnia na Alimpijskim stadyjonie ŭ Rymie.
Padać zajaŭku možna tolki na aficyjnym sajcie UEFA.
Kali popyt pieravysić prapanovu, usie padadzienyja zajaŭki aŭtamatyčna voźmuć udzieł u łaterei, pa vynikach jakich buduć vyznačanyja ŭładalniki 10 tys. biletaŭ, vydzielenych dla šyrokaj aŭdytoryi pa ŭsim śviecie. Jany pryznačanyja dla niejtralnych zaŭziataraŭ pa ŭsim śviecie, jakija žadajuć naviedać finał niezaležna ad taho, chto budzie ŭ im udzielničać.
Kožny čałaviek, jaki padaje zajaŭku, moža pretendavać na dva kvitki.
Šyrokaj publicy bilety prapanujucca nastupnych katehoryj:
katehoryja 1 (pa centry) — 200 jeŭra; katehoryja 2 (jak praviła, kutnija siektary) — 140 jeŭra; katehoryja 3 (za varotami) — 90 jeŭra; miescy dla invalidaŭ — 70 jeŭra.
Košt dastaŭki 21 jeŭra — dla žycharoŭ Italii, 33 jeŭra — dla žycharoŭ astatniaj Jeŭropy, 45 jeŭra — dla žycharoŭ astatniaha śvietu, paviedamlaje Sport-Ekspriess.
***
Ź Minska ŭ Rym najchutčej možna trapić, naturalna, samalotam. Tak, sajt Mierlintura, naprykład, prapanuje niekalki varyjantaŭ dalotu da stalicy Italii.
Najtańniej vychodzić rejs praz Ryhu - 421,6 jeŭra.
Pramy rejs ź Minska da Ryma ŭdzień 27 traŭnia, viartańnie taksama na nastupny dzień praz Ryhu kaštuje 491 jeŭra.
