U minułym hodzie žychary hetaha horadu spažyli ŭ siarednim pa 60 ł śpirtnoha, vydatkavaŭšy na heta 70,3 młrd rubloŭ.
Dla paraŭnańnia, na vopratku i abutak žychary Baranavičaŭ addali 15,5 młrd rubloŭ, piša Intex-press. Ciaham minułaha hodu handlovyja arhanizacyi horadu realizavali 9,7 młn litraŭ śpirtnoj pradukcyi.
U pieraliku na kožnaha mieściča razam ź niemaŭlatami — heta kala 60 litraŭ na čałavieka. U 2008 hodzie adzin žychar horadu vypiŭ u siaredni 25 ł piva (na 2,1 ł bolš, čym u 2007 h.), 14 ł harełki (na 1,5 ł bolej), 13 ł «čarniłaŭ».
Takija ličby robiać zrazumiełaj kolkaść čałaviek, što znachodziacca na ŭliku ź sindromam zaležnaści ad ałkaholu ŭ Baranavickim narkałahičnym dyspansiery — pa stanie na 1 lutaha tam zarehistravana bolš za 4,5 tys. čałaviek.
A infarmacyi miascovaj milicyi, kožnaje treciaje złačynstva ździajśniajecca ŭ niećviarozym stanie. Tolki ŭ studzieni pa hetaj pryčynie ŭ milicyju źviarnułasia 437 haradžanaŭ.
0
0
0
0
0
0
