Jaho artykuł vyjšaŭ siońnia ŭ «Hazecie Vyborčaj».
1. Prakuratura Ihnalinskaha rajona Litvy abvinavačvaje Bulku ŭ saŭdziele ŭ 56 zabojstvach
u kastryčniku 2008 hoda litoŭski sud pryniaŭ rašeńnie ab jahonym aryšcie.Kali b Bulka vyjechaŭ ź Biełarusi ŭ lubuju krainu Jeŭraźviazu, jaho adrazu aryštavali b.
2. Pavodle dakumientaŭ KHB Litoŭskaj SSSR, Bulka ŭ 50‑ia byŭ žanaty.
3.
Vyśviačany na ksiandza Bulka byŭ u Polščy. Sama ŭračystaść adbyvałasia nie ŭ kaściole, a ŭ sadzie (!).Udzieł u joj, akramia biskupa Ramana Andžeŭskaha (užo pamior), i Bulki jašče prymali 2 śviedki, i ŭsio. Heta adziny taki vypadak va ŭłocłaŭskaj dyjacezii .
4. — O Matka Boska, — paŭtaraje ciapierašni biskup ułocłaŭskaj dyjacezii Viesłaŭ Mierynh, kali pakazali jamu dakumienty nakont Bulki. Razhladajecca mahčymaść anulavańnia vyśviačeńnia Bulki, ab čym «Hazecie Vyborčaj» zajaviŭ biskup Mierynh.
5.
Udałosia ŭ Litvie znajści tych, na kaho danosiŭ Bulka.Akramia taho, žyvy adzin z ahientaŭ, jaki razam ź im braŭ udzieł u zabojstvach. Z ahientam parazmaŭlać nie ŭdałosia,
ale, pavodle śledčych, jon padćviardžaje saŭdzieł Bulki ŭ zabojstvach.
6.
Nivodnaja parafija ŭ Litvie nie pahadziłasia pryniać ksiandza Bulku. Adusiul jaho hnali sami parafijanie, bo chutka daviedvalisia pra jahonaje minułaje.Tady jaho nakiravali na Biełaruś, dzie nichto pra jaho ničoha nie viedaŭ.
7. Bulka słabieńka viedaje polskuju movu — razumieje, ale havaryć amal, što nie moža. Tolki časam ukraplaje polskija słovy ŭ razmovu. Jon usio admaŭlaje, navat toje, što raniej kazaŭ druhim žurnalistam, — naprykład pra toje što ŭ jaho byŭ brat. Uvohule, razmova ź im była adnoj z samych ciažkich u majoj žurnalisckaj karjery. Jon viedaŭ, z čym ja pryjechaŭ da jaho. Vidać, jahonyja siabry ź Litvy, ź jakimi ja razmaŭlaŭ, pieradali jamu albo niechta inšy pastaraŭsia… Naadrez admoviŭsia havaryć pra biskupa Ramana Andžejeŭskaha i padrabiaznaści mierapryjemstva ŭ sadzie. Urazili jahonyja słovy: «Była vajna, a ciapier my ŭsio pavinny zabyć i pačać z čystaha lista».
