Uzrostavaje abmiežavańnie na prodaž śpirtnych napitkaŭ u Biełarusi płanujecca pavialičyć da 21 hoda. Takoje pałažeńnie źmiaščajecca ŭ zakonaprajekcie «Ab asnovach dziaržaŭnaj maładziožnaj palityki»,jaki budzie razhledžany pałataj pradstaŭnikoŭ na majučaj adbycca viasieńniaj siesii. Ab hetym karespandentu BIEŁTA paviedamiła člen pastajannaj kamisii pałaty pradstaŭnikoŭ pa achovie zdaroŭja, fizičnaj kultury, spravach siamji i moładzi Alena Šamal.
Pavodle jaje słoŭ, upieršyniu zakonaprajektam prapanujecca pavialičyć uzrostavaje abmiežavańnie na prodaž śpirtnych napitkaŭ u Biełarusi z 18 hadoŭ da 21 hoda. Heta pytańnie nie raz uźnimałasia jak parłamientaryjami, tak i pradstaŭnikami pravaachoŭnych orhanaŭ Biełarusi, rabotnikami miedycyny i adukacyi. Jak ličyć parłamientaryj,
heta pytańnie nieabchodna abmiarkoŭvać u ramkach nie tolki zakona ab dziaržaŭnaj palitycy adnosna moładzi, ale i inšych zakanadaŭčych aktaŭ.
Alena Šamal taksama raskazała, što zakonaprajektam prapanujecca dakładna vyznačyć paniaćcie katehoryi «maładyja hramadzianie». Heta buduć hramadzianie Biełarusi, zamiežnyja hramadzianie i asoby biez hramadzianstva, jakija pastajanna pražyvajuć na terytoryi Biełarusi va ŭzroście ad 14 da 31 hoda. Pavodle jaje słoŭ, na siońniašni dzień heta pytańnie jašče kančatkova nie vyrašana i znachodzicca na stadyi abmierkavańnia, tamu što vielmi vialikaja ŭzrostavaja raźbiežka, i ŭ jaje ŭklučany roznyja katehoryi moładzi. U pryvatnaści, adna z prapanoŭ — raździaleńnie katehoryi maładych hramadzian na niekalki hrup.
Da hetaha zakonaprajekta nie varta stavicca tak, jak byccam heta budzie zakon śpiecyfikavanych ilhot dla moładzi, padkreśliła Alena Šamal. «Heta niapravilna: moładź sama pavinna aktyŭna ŭdzielničać u palityčnym i sacyjalnym žyćci krainy, a nie raści jak utrymancy. Siońnia moładź pracuje na samych adkaznych składanych učastkach, sučasnym techničnym abstalavańni», — skazała jana.
Parłamientaryj taksama dadała, što zakonaprajekt raspracoŭvajecca ŭ jakaści bazavaha zakona, na asnovie jakoha, paśla jaho pryniaćcia, buduć budavacca inšyja zakanadaŭčyja akty.
